2025 წლის 13 ივნისს, სსიპ თამარ მეფის სახელობის წყალტუბოს მუნიციპალიტეტის სოფელ გეგუთის №1 საჯარო სკოლას გადაეცა STEM საგნების სასწავლო რესურსები და ლაბორატორიული მოწყობილობები.
რესურსების გადაცემა განხორციელდა საერთაშორისო საგრანტო პროექტის ფარგლებში:
„STEM კონცეფცია მასწავლებლის მომზადების საგანმანათლებლო საუნივერსიტეტო პროგრამების განვითარებისათვის“,
რომელსაც ერთობლივად ახორციელებენ:
იაკობ გოგებაშვილის სახელობის თელავის სახელმწიფო უნივერსიტეტი
აკაკი წერეთლის სახელმწიფო უნივერსიტეტი • Akaki Tsereteli State University
შპს STEAMit · სთიმითი
კოპერნიკის სამეცნიერო ცენტრი – Copernicus Science Centre, პოლონეთი
პროექტის ხელმძღვანელი – თსუ-ს პროფესორი ნათია ბაღათრიშვილი
პროექტი მოიცავს იმერეთისა და კახეთის რეგიონებს, სადაც STEM კონცეფცია უკვე ინერგება 10 საპილოტე სკოლაში, მათ შორის — გეგუთის №1 საჯარო სკოლაში.
შეხვედრაში მონაწილეობდნენ:
პროფესორი ნათია ბაღათრიშვილი და ანა გიგაური – თელავის სახელმწიფო უნივერსიტეტიდან
ასოცირებული პროფესორები ნათია ღაჭავა და მადონა სამხარაძე – აწსუ-დან
ბავშვის უფლებათა ცოდნის ცენტრის სპეციალისტი მაია ბუჭუხიშვილი
სკოლის პედაგოგები
ღონისძიების ფარგლებში მოსწავლეებმა გამოიყენეს 3D პრინტერი და ადგილზე შექმნეს საკუთარი ხელით დამზადებული STEM-ობიექტები – რაც მათთვის აღმოჩენებისა და შემოქმედების გამორჩეული გამოცდილება გახდა.
ამავე დღეს ჩატარდა ინტეგრირებული გაკვეთილი XI კლასში, რომელშიც გაერთიანდა გეოგრაფია, ფიზიკა, ტექნოლოგიები და ბიოლოგია — რეალურ საგნობრივ კონტექსტში STEAM მიდგომის დემონსტრირებისთვის.
გაკვეთილს დააკვირდნენ ტრენერები ნათია ღაჭავა და მადონა სამხარაძე, რომლებმაც გაკვეთილის დასრულების შემდეგ განახორციელეს შეჯამება და უკუკავშირი მასწავლებლებთან და მოსწავლეებთან ერთად.
მოსწავლეებმა გაკვეთილი აღიქვეს როგორც განსხვავებული, ინოვაციური და ძალიან საინტერესო — გაჩნდა მოტივაცია კვლევისა და შემოქმედებითად აზროვნებისკენ.
იხილეთ STEM განათლების ცოცხალი მაგალითი – ინოვაცია გეგუთიდან!
