2025 წლის 11 ივნისს, სსიპ – პაოლო იაშვილის სახელობის საჩხერის მუნიციპალიტეტის არგვეთის საჯარო სკოლას გადაეცა STEM საგნების სასწავლო რესურსები და ლაბორატორიული მოწყობილობები, რაც მნიშვნელოვან წინ გადადგმულ ნაბიჯს წარმოადგენს სკოლის საგანმანათლებლო შესაძლებლობების გასაფართოებლად.
რესურსების გადაცემა განხორციელდა საგრანტო პროექტის ფარგლებში:
„STEM კონცეფცია მასწავლებლის მომზადების საგანმანათლებლო საუნივერსიტეტო პროგრამების განვითარებისათვის“
პროექტს ერთობლივად ახორციელებენ:
იაკობ გოგებაშვილის სახელობის თელავის სახელმწიფო უნივერსიტეტი
აკაკი წერეთლის სახელმწიფო უნივერსიტეტი – Akaki Tsereteli State University
შპს STEAMit · სთიმითი
და კოპერნიკის სამეცნიერო ცენტრი – Copernicus Science Centre, პოლონეთი
პროექტის ხელმძღვანელი – თსუ-ს პროფესორი ნათია ბაღათრიშვილი
პროექტი მოქმედებს კახეთისა და იმერეთის რეგიონების სკოლებთან და მოიცავს 10 საპილოტე სკოლას, მათ შორის — არგვეთის სკოლას, სადაც STEM მიდგომის ინტეგრაცია უკვე აქტიურად მიმდინარეობს.
ლაბორატორიული რესურსების გადაცემამ დიდი დაინტერესება გამოიწვია მოსწავლეებში —
3D პრინტერის დახმარებით დაამზადეს სხვადასხვა ნივთები და საკუთარ თავზე გამოსცადეს ინოვაციური ტექნოლოგიების შესაძლებლობები!
ამავე დღეს ჩატარდა ინტეგრირებული გაკვეთილი XI კლასში, სადაც წარმოდგენილი იყო STEAM მიდგომის გამოყენება ბიოლოგიის, ფიზიკის, ქიმიის, მათემატიკისა და გეოგრაფიის გაკვეთილებზე.
მოსწავლეთა გამოხმაურება იყო ერთმნიშვნელოვანი – გაკვეთილი ინოვაციური, შთამბეჭდავი და შემოქმედებითი იყო, რაც მოტივაციის ზრდის მკაფიო მაგალითია.
იხილეთ STEM-მოძრაობის კიდევ ერთი წარმატებული დღე – საჩხერედან ინოვაციისკენ!
