2025 წლის 6 ივნისს, აფხაზეთის №5 საჯარო სკოლაში ჩატარდა ინტეგრირებული, შემაჯამებელი STEM გაკვეთილი, რომლის მიზანი იყო მოსწავლეთა ჩართვა მეცნიერების, ტექნოლოგიების, ხელოვნებისა და ინჟინერიის ინტერაქტიულ გარემოში.
გაკვეთილი განხორციელდა პროექტის ფარგლებში:
„STEM კონცეფცია მასწავლებლის მომზადების საგანმანათლებლო საუნივერსიტეტო პროგრამების განვითარებისათვის“,
რომელსაც ერთობლივად ახორციელებენ:
იაკობ გოგებაშვილის სახელობის თელავის სახელმწიფო უნივერსიტეტი
აკაკი წერეთლის სახელმწიფო უნივერსიტეტი – Akaki Tsereteli State University
STEAMit · სთიმითი
კოპერნიკის სამეცნიერო ცენტრი (პოლონეთი)
პროექტის ხელმძღვანელი – პროფესორი ნათია ბაღათრიშვილი
გაკვეთილი მოიცავდა შემდეგ საგნებს:
ბიოლოგია – გრძნობის ორგანოები და რეცეპტორები
ფიზიკა – სინათლის, ხმის და სითბოს გავრცელება
კომპიუტერული ტექნოლოგიები – სენსორები და მიკროკონტროლერები
მათემატიკა – მონაცემების ანალიზი რეაქციის დროზე
ხელოვნება და ინჟინერია – კონსტრუქტორის აწყობა
მოსწავლეებმა ჯგუფურად ააწყვეს ნეიროინჟინერიის კონსტრუქტორები, დააკავშირეს სენსორები (სინათლის, ხმის, გაზის) მიკროკონტროლერებთან (Arduino), და ტესტირების შედეგად მიიღეს რეალური მონაცემები.
გაკვეთილის ბოლოს მოსწავლეებმა წარადგინეს თავიანთი სისტემა, განახორციელეს თვითშეფასება და მიიღეს უკუკავშირი.
მსგავსი პრაქტიკული STEM გაკვეთილები აუმჯობესებს მოსწავლეთა მოტივაციას, აზროვნების უნარსა და შემოქმედებით ჩართულობას.
იხილეთ ფოტოები ჩვენი გამოცდილებიდან და STEM ინოვაციის გზაზე ნაბიჯ-ნაბიჯ განვითარებიდან!
