STEM განათლება ხარაგაულში – ინოვაციები განათლებაში!
2025 წლის 5 ივნისს სსიპ – ხარაგაულის მუნიციპალიტეტის სადგურ მარელისის საჯარო სკოლამ მიიღო STEM საგნების თანამედროვე სასწავლო ლაბორატორიული რესურსები!
პროექტი ხორციელდება იაკობ გოგებაშვილის სახელობის თელავის სახელმწიფო უნივერსიტეტის,
აკაკი წერეთლის სახელმწიფო უნივერსიტეტის (Akaki Tsereteli State University),
შპს STEAMit · სთიმითი და პოლონეთის კოპერნიკის სამეცნიერო ცენტრის თანამშრომლობით.
პროექტის ხელმძღვანელი – თსუ-ს პროფესორი ნათია ბაღათრიშვილი
საგრანტო პროექტი ეძღვნება თემას:
„STEM კონცეფცია მასწავლებლის მომზადების საგანმანათლებლო საუნივერსიტეტო პროგრამების განვითარებისათვის“
იმერეთსა და კახეთში შერჩეულია 10 საპილოტე სკოლა, სადაც STEM კონცეფცია ეტაპობრივად ინერგება.
3D პრინტერი, ლაბორატორიული მოწყობილობები და პრაქტიკული აქტივობები – ყველაფერი ერთად STEM ინოვაციისთვის!
მოსწავლეებმა ადგილზე დაამზადეს სხვადასხვა ნივთები და საკუთარი თვალით იხილეს თანამედროვე ტექნოლოგიის შესაძლებლობები.
ამავე დღეს ჩატარდა ინტეგრირებული გაკვეთილი მე-9 კლასში – ბიოლოგიის, ფიზიკის, მათემატიკისა და ტექნოლოგიის შერწყმით.
მოსწავლეებმა გამოხატეს დიდი ინტერესი, გაკვეთილმა მიიღო ინოვაციური და მოტივაციური ხასიათი!
STEM მოძრაობის ცოცხალი დღე ხარაგაულში!
